Куккуклатса куккук кӗтӗв(ӗ)
Вӑрман урлӑ каҫса ка(я)ть.
Айяйлатса хурланса та
Ҫамрӑк ӗмӗр иртсе ка(я)ть.

Тенкӗллӗх тенкисем хушшинче те
Пӗр ҫирӗм пус тенки пур.
Пур юлташсем хушшинче те
Телейсӗрри эпӗ пур.

Ҫил-ҫил ҫырма ҫич(ӗ) кокӑрта,
Ҫич(ӗ) кокӑрта хура ҫырла.
Хура ҫырлана хурт ҫирӗ те
Ман телее йыт(ӑ) ҫирӗ.

Эп кӗмӗттӗм шыв ҫине те —
Лодка шывра, мӗн тӑвас?
Эп курмӑттӑм нуштине те
Турри ҫырчӗ, мӗн тӑвас.