Ушкӑн-ушкӑн шур пёлёт иртет,
Тӑлӑх хирте каҫ пулса килет,
Курӑксене татса ҫил вёрет,
Ҫӗр ҫуммипе тусан вӗҫтерет.

Хирте пёр тёмеске пёр пёччен,
Тӑпри ҫине пуснӑ вёлтёрен.
Вилнӗ ҫын тӑпри вӑл, ҫав тӑпра,
Ырӑ ҫынни вилнӗ вӑрҫӑра.

Чухӑнсемшӗн хӑйӗн кун-ҫулне,
Ҫамрӑк ӗмӗрне вӑл хӗрхенмен.
Еҫ халӑхён хёрлё ялавне
Чун тухиччен ҫёре ӳкермен.

Ҫывӑр, тӑван, иртрӗ ӗмӗрӳ,
Вӑхӑтсӑрах сан тухрӗ чуну.
Анчах ҫӑмӑл пултӑрччӗ тӑпру,
Канлӗ пултӑр мирлӗ вырӑну.